കൊച്ചി : തൃക്കാക്കര ഉപതെരെഞ്ഞെടുപ്പിനുള്ള പ്രാരംഭഘട്ട ചര്ച്ചകള് ആരംഭിച്ച് കോണ്ഗ്രസ്. പി ടി തോമസിന് ഉചിതമായ പിന്ഗാമിയുണ്ടാകുമെന്ന് ബെന്നി ബഹനാന് പറഞ്ഞു. തൃക്കാക്കരയില് യുഡിഎഫ് വിജയം ഉറപ്പാണെന്നും അദ്ദേഹം വ്യക്തമാക്കി. രണ്ടാം പിണറായി സര്ക്കാരിന് ഏല്ക്കുന്ന ആദ്യ പ്രഹരമാകും തൃക്കാക്കര ഉപതെരഞ്ഞെടുപ്പ് വിധി. ചിലപേരുകള് ഉയര്ന്നു കേള്ക്കുന്നു എന്നതിനപ്പുറത്തേക്ക് സ്ഥാനാര്ത്ഥി നിര്ണയവുമായി ബന്ധപ്പെട്ട ചര്ച്ചകളിലേക്ക് ഇരു മുന്നണികളും കടന്നിട്ടില്ല. ഉഷ തോമസ്, ടോണി ചമ്മണി, ദീപ്തി മേരി വര്ഗീസ്, ഡൊമിനിക് പ്രസന്റേഷന്, വി.ടി ബല്റാം എന്നിവരുടെ പേരുകളാണ് കോണ്ഗ്രസ് ക്യാമ്പുകളില് നിന്നും ഉയര്ന്നു കേള്ക്കുന്നത്.
