ന്യൂഡല്‍ഹി : മൂന്നു ദിവസത്തിനു ശേഷം രാജ്യത്ത് പ്രതിദിന കോവിഡ് കേസുകള്‍ മൂന്നു ലക്ഷത്തില്‍ താഴെയെത്തി. 24 മണിക്കൂറില്‍ 2,55,874 പുതിയ കോവിഡ് കേസുകളാണ് റിപ്പോര്‍ട്ട് ചെയ്തത്. ഇന്നലത്തേതിലും 16.39 ശതമാനം കുറവാണിത്. 20.75 ശതമാനമായിരുന്നു ഇന്നലത്തെ ടെസ്റ്റ് പോസിറ്റിവിറ്റി നിരക്ക് എങ്കില്‍ ഇന്ന് 15.52 ശതമാനത്തിലേക്കു താഴ്ന്നു. 614 മരണം കൂടി സ്ഥിരീകരിച്ചതോടെ ആകെ മരണം 4,90,462. നിലവില്‍ 22,36,842 പേരാണ് കോവിഡ് ബാധിച്ച് ചികിത്സയിലുള്ളത്. 2,67,753 പേര്‍ കൂടി സുഖം പ്രാപിച്ചതോടെ ആകെ രോഗമുക്തരായവരുടെ എണ്ണം 3,70,71,898 ആയി. 93.15 ശതമാനമാണ് രോഗമുക്തി നിരക്ക്.
