തിരുവനന്തപുരം : പിഎസ്‌സി നാളെ നടത്തുന്ന ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് പരീക്ഷയുടെ സമയക്രമം ഉച്ചയ്ക്ക് 1.30 മുതല്‍ 3.15 വരെ എന്നതു മാറ്റി ഉച്ചയ്ക്ക് 2.30 മുതല്‍ 4.15 വരെയാക്കി. ഫാമിങ് കോര്‍പറേഷനില്‍ ഡ്രൈവര്‍ ഗ്രേഡ് 2/ട്രാക്ടര്‍ ഡ്രൈവര്‍ തസ്തികയുടെ വിജ്ഞാപനത്തിന് 28ലെ അസാധാരണ ഗസറ്റില്‍ തിരുത്തല്‍ വിജ്ഞാപനം പ്രസിദ്ധപ്പെടുത്തി. യോഗ്യതയുള്ളവര്‍ക്ക് ജനുവരി 17ന് അര്‍ധരാത്രി വരെ അപേക്ഷിക്കാനുള്ള സൗകര്യം പ്രൊഫൈലില്‍ ഏര്‍പ്പെടുത്തി. ഐഎഎസ്, ഐപിഎസ്, ഐഎഫ്എസ് ജൂനിയര്‍ മെംബര്‍മാര്‍ക്കുള്ള വകുപ്പുതല പരീക്ഷയുടെ വിജ്ഞാപനം പ്രസിദ്ധീകരിച്ചു. അപേക്ഷ ജനുവരി 27നു രാത്രി 12 വരെ.
