കലബുറഗി: സാങ്കേതിക തകരാര്‍ മൂലം കര്‍ണാടകയിലെ കലബുറഗിയില്‍ പരിശീലന വിമാനം അടിയന്തരമായി നിലത്തിറക്കി. വിമാനത്തില്‍ രണ്ട് വനിതാ പൈലറ്റുമാരാണ് ഉണ്ടായിരുന്നത്, ഇരുവരും സുരക്ഷിതരാണ്. കൂടാതെ മറ്റ് ആളപായമൊന്നും റിപ്പോര്‍ട്ട് ചെയ്തിട്ടുമില്ല. എന്നാല്‍ വിമാനം അടിയന്തരമായി ലാന്‍ഡ് ചെയ്യുന്നതിനിടെ സംഭവ സ്ഥലത്തുണ്ടായിരുന്ന രണ്ട് പേര്‍ക്ക് നിസാര പരിക്കേറ്റു. ഇരുവര്‍ക്കും ഉടന്‍ വൈദ്യസഹായം ലഭ്യമാക്കി, നിലവില്‍ ഇരുവരും സുഖം പ്രാപിച്ചുവെന്നാണ് റിപ്പോര്‍ട്ട്. മല്ലികാര്‍ജുന ലാലി എന്നയാളുടെ ഉടമസ്ഥതയിലുള്ള പറമ്പിലാണ് വിമാനം ഇറങ്ങിയത്.
