കൊച്ചി: കൊച്ചിയില്‍ മറൈന്‍ ഡ്രൈവില്‍ അമിതമായി ആളുകളെ കയറ്റി സഞ്ചരിച്ച രണ്ടു ബോട്ടുകള്‍ പിടിയില്‍. 13 പേരെ കയറ്റാന്‍ അനുമതിയുള്ള ബോട്ടില്‍ നാല്‍പ്പതിലധികം പേരെയാണ് കയറ്റിയത്. സംഭവത്തില്‍ രണ്ട് ഉല്ലാസ ബോട്ടുകളിലെ രണ്ടു ജീവനക്കാരെ അറസ്റ്റ് ചെയ്തു. രണ്ടു ബോട്ടിലെയും സ്രാങ്കുമാരാണ് പിടിയിലായത്.
സെന്റ് മേരീസ്, സന്ധ്യ എന്നീ ബോട്ടുകളാണ് പിടികൂടിയത്. ഗണേഷ്, നിഖില്‍ ദയന്‍ എന്നിവരാണ് അറസ്റ്റിലായത്. ഇവരുടെ ലൈസന്‍സ് റദ്ദാക്കാനായി മാരിടൈം ബോര്‍ഡ് അടക്കമുള്ള അധികൃതര്‍ക്ക് റിപ്പോര്‍ട്ട് നല്‍കുമെന്ന് സെന്‍ട്രല്‍ പോലീസ് എസിപി അറിയിച്ചു.
