കൊച്ചി: ആരെയും ഭയമില്ലെന്ന് പറഞ്ഞ മുഖ്യമന്ത്രി പിണറായി വിജയന് എല്ലാത്തിനെയും ഭയമാണന്ന് പ്രതിപക്ഷ നേതാവ് വി.ഡി.സതീശന്‍. ഭയം കൊണ്ടാണ് കാണുന്നതെല്ലാം കറുപ്പായി തോന്നുന്നത്. മുഖ്യമന്ത്രി പുറത്തിറങ്ങാതിരിക്കുന്നതാണ് ജനങ്ങള്‍ക്ക് നല്ലത്. ജനങ്ങളെ ബന്ധികളാക്കി ഭയപ്പെടുത്തി ജീവിക്കുന്നു. മുണ്ടുടുത്ത നരേന്ദ്ര മോദിയായി പിണറായി വിജയൻ മാറുന്നു. മുഖ്യമന്ത്രിയുടെ കണ്ണിലും മനസിലും ഇരുട്ടാണെന്നും വി.ഡി.സതീശൻ പറഞ്ഞു.മുഖ്യമന്ത്രി പങ്കെടുക്കുന്ന പരിപാടികളിൽ കറുത്ത മാസ്കിന് വിലക്കേർപ്പെടുത്തിയതും മുഖ്യമന്ത്രിയുടെ യാത്രയ്ക്കിടെ മുഖ്യമന്ത്രിയുടെ അതിസുരക്ഷാ സംവിധാനങ്ങൾ ഏർപ്പെടുത്തിയതും സംബന്ധിച്ചാണ് അദ്ദേഹത്തിന്റെ പ്രതികരണം.
