ദില്ലി : നാല് സംസ്ഥാനങ്ങളിലെ തെരഞ്ഞെടുപ്പ് ഫലം ഏറെക്കുറെ വ്യക്തമായതിന് പിന്നാലെ കോൺഗ്രസിനെ വിമർശിച്ച് മുൻ ക്രിക്കറ്റ് താരം വെങ്കിടേഷ് പ്രസാദ്. സനാതന ധർമ്മത്തെ അപമാനിച്ചാൽ അനന്തരഫലങ്ങൾ ഉണ്ടാകുമെന്ന് അദ്ദേഹം പറഞ്ഞു. ‘എക്സ്’ പോസ്റ്റിലൂടെയാണ് താരത്തിന്റെ പ്രതികരണം. ‘സനാതന ധർമ്മത്തെ അപമാനിച്ചാൽ അനന്തരഫലങ്ങൾ ഉണ്ടാകും. വൻ വിജയം നേടിയ ബിജെപിക്ക് അഭിനന്ദനങ്ങൾ. പ്രധാനമന്ത്രി നരേന്ദ്ര മോദിയുടെയും അമിത് ഷായുടെയും അത്ഭുതകരമായ നേതൃത്വത്തിന്റെയും താഴെത്തട്ടിൽ പാർട്ടി കേഡറിന്റെ മഹത്തായ പ്രവർത്തനത്തിന്റെയും മറ്റൊരു സാക്ഷ്യം’- വെങ്കിടേഷ് പ്രസാദ് കുറിച്ചു.
