റിയാദ്: സൗദി അറേബ്യയില്‍ ആഡംബര കാര്‍ റോഡില്‍ വെച്ച് കത്തിനശിച്ചു. തലസ്ഥാന നഗരമായ റിയാദിലെ അല്‍ നഹ്‍ദയിലായിരുന്നു സംഭവമെന്ന് സൗദി സിവില്‍ ഡിഫന്‍സ് അറിയിച്ചു. അപകടത്തില്‍ ആര്‍ക്കും പരിക്കേറ്റിട്ടില്ല. സിവില്‍ ഡിഫന്‍സ് ഉദ്യോഗസ്ഥര്‍ സ്ഥലത്തെത്തി തീ നിയന്ത്രണ വിധേയമാക്കിയെങ്കിലും വാഹനത്തിന്റെ ഏതാണ്ടെല്ലാ ഭാഗങ്ങളും കത്തിനശിച്ചു. റോഡില്‍ വെച്ച് വാഹനത്തില്‍ തീ പടര്‍ന്നു പിടിക്കുന്നതിന്റെ ദൃശ്യങ്ങള്‍ ചിലര്‍ ചിത്രീകരിച്ച് സോഷ്യല്‍ മീഡിയയില്‍ പങ്കുവെച്ചിട്ടുണ്ട്.
