കൊല്ലം∙ എഐവൈഎഫ് സെമിനാറിൽ പങ്കെടുത്തത് അനുമതിയോടെയാണോ എന്ന കോൺഗ്രസ് നേതാവ് കെ.വി.തോമസിന്റെ ചോദ്യത്തോട് പ്രതികരിച്ച് പി.സി.വിഷ്ണുനാഥ് എംഎൽഎ. എഐവൈഎഫ് പരിപാടിയിൽ പങ്കെടുക്കാൻ തനിക്കു വിലക്ക് ഉണ്ടായിരുന്നില്ല. പാർട്ടിയോട് ആലോചിച്ച ശേഷമാണ് പോയത്.
ദേശീയ വിദ്യാഭ്യാസ നയത്തെക്കുറിച്ചുള്ള സെമിനാറിലാണ് പങ്കെടുത്തത്. കെ.വി.തോമസിന്റെ ചോദ്യം വസ്തുതാവിരുദ്ധമെന്നും മാധ്യമങ്ങളിൽ നിറഞ്ഞു നിൽക്കാനുള്ള ശ്രമമെന്നും എംഎൽഎ കൊല്ലത്ത് പറഞ്ഞു. പി.സി.വിഷ്ണുനാഥ് എഐവൈഎഫ് സെമിനാറില്‍ പങ്കെടുത്തത് എഐസിസിയും അനുമതിയോടെയാണോ?, തനിക്കൊരു നീതി, മറ്റുളളവര്‍ക്ക് മറ്റൊരു നീതി എന്നത് ശരിയാണോ എന്നാണ് കെ.വി.തോമസ് ചോദിച്ചത്.
