കര്‍ണാടക ഭരണമാറ്റം: രാത്രിയാത്ര നിരോധനത്തിൽ മാറ്റത്തിന് സാധ്യത

സു​ൽ​ത്താ​ൻ ബ​ത്തേ​രി: ക​ര്‍ണാ​ട​ക​യി​ല്‍ വ​ര്‍ഷ​ങ്ങ​ളു​ടെ ഇ​ട​വേ​ള​ക്കു​ശേ​ഷം കോ​ണ്‍ഗ്ര​സ് അ​ധി​കാ​ര​ത്തി​ല്‍ തി​രി​ച്ചെ​ത്തു​മ്പോ​ള്‍ പ്ര​തീ​ക്ഷ​യോ​ടെ വ​യ​നാ​ട്. ദേ​ശീ​യ​പാ​ത 766ലെ ​രാ​ത്രി​യാ​ത്ര നി​യ​ന്ത്ര​ണം, ബാ​വ​ലി- മൈ​സൂ​രു റോ​ഡി​ലെ രാ​ത്രി​യാ​ത്ര വി​ല​ക്ക്, ബൈ​ര​ക്കു​പ്പ പാ​ലം, റെ​യി​ല്‍വേ തു​ട​ങ്ങി​യ വി​ഷ​യ​ങ്ങ​ളി​ല്‍ അ​നു​കൂ​ല​മാ​യ നി​ല​പാ​ട് ക​ര്‍ണാ​ട​ക സ്വീ​ക​രി​ക്കു​മെ​ന്ന പ്ര​തീ​ക്ഷ ജി​ല്ല​യി​ൽ ശ​ക്ത​മാ​യി​രി​ക്കു​ക​യാ​ണ്.

ncs-up

Rajan-up

ക​ർ​ണാ​ട​ക സ​ർ​ക്കാ​ർ രാ​ഹു​ൽ ഗാ​ന്ധി​യു​ടെ വാ​ക്കു​ക​ൾ​ക്ക് വി​ല കൊ​ടു​ക്കു​മെ​ന്ന​താ​ണ് അ​നു​കൂ​ല ഘ​ട​കം. ക​ര്‍ണാ​ട​ക വ​നം മ​ന്ത്രാ​ല​യ​ത്തി​ന്റെ ക​ടും​പി​ടി​ത്ത​മാ​ണ് രാ​ത്രി​യാ​ത്ര നി​രോ​ധ​ന​ത്തി​ന്റെ പ്ര​ധാ​ന കാ​ര​ണം. രാ​ത്രി ഒ​മ്പ​തി​നും ആ​റി​നു​മി​ട​യി​ൽ ദേ​ശീ​യ പാ​ത​യി​ൽ നി​രോ​ധ​നം വ​ന്ന​തോ​ടെ മൈ​സൂ​രു, ബം​ഗ​ളൂ​രു യാ​ത്ര ദു​ഷ്ക​ര​മാ​യി.

ALA-up

self

സു​ൽ​ത്താ​ൻ ബ​ത്തേ​രി ന​ഗ​ര​ത്തി​ന്റെ വി​ക​സ​ന​ത്തെ ഇ​ത് പ്ര​തി​കൂ​ല​മാ​യി ബാ​ധി​ച്ചു. നി​രോ​ധ​ന​ത്തി​നെ​തി​രെ ബ​ത്തേ​രി​യി​ൽ വ​ലി​യ സ​മ​ര​ങ്ങ​ൾ ന​ട​ന്നി​ട്ടും വ​ലി​യ പ്ര​യോ​ജ​ന​മു​ണ്ടാ​യി​ല്ല. തെ​ക്കേ വ​യ​നാ​ട്ടി​ല്‍ നി​ന്നും ഏ​റ്റ​വും കു​റ​ഞ്ഞ സ​മ​യ​ത്തി​ല്‍ മൈ​സൂ​രു​വി​ലെ​ത്താ​ന്‍ ബ​ന്ദി​പ്പു​ർ ദേ​ശീ​യോ​ദ്യാ​നം ക​ട​ക്ക​ണം. ഇ​വി​ടെ​യാ​ണ് രാ​ത്രി​യാ​ത്ര നി​രോ​ധ​നം വ​ലി​യ പ്ര​ശ്ന​മാ​യ​ത്.

Rajan-up

self

ബ​ന്ദി​പ്പു​ർ ക​ടു​വാ​സ​ങ്കേ​തം അ​ധി​കൃ​ത​രു​ടെ ശി​പാ​ര്‍ശ​യു​ടെ അ​ടി​സ്ഥാ​ന​ത്തി​ല്‍ 2009ലാ​ണ് അ​ന്ന​ത്തെ ചാ​മ​രാ​ജ്‌​ന​ഗ​ര്‍ ജി​ല്ല ക​ല​ക്ട​ർ ബ​ന്ദി​പ്പൂ​ർ വ​ഴി രാ​ത്രി യാ​ത്ര വി​ല​ക്കി​യ​ത്.

വ​ട​ക്കെ വ​യ​നാ​ട്ടി​ലെ മാ​ന​ന്ത​വാ​ടി​യി​ല്‍ നി​ന്നും ബാ​വ​ലി വ​ഴി മൈ​സൂ​വി​ലേ​ക്കു​ള്ള പാ​ത​യി​ല്‍ രാ​ത്രി​ഗ​താ​ഗ​തം വി​ല​ക്കി​യ​തും ക​ർ​ണാ​ട​ക​യാ​ണ്. 2008ല്‍ ​അ​ന്ന​ത്തെ മൈ​സൂ​രു ജി​ല്ല ക​ല​ക്ട​റാ​ണ് ബാ​വ​ലി മു​ത​ല്‍ ഉ​ദ്ബൂ​ര്‍ വ​രെ നാ​ഗ​ർ​ഹോ​ള വ​ന​ത്തി​ലൂ​ടെ​യു​ള്ള 18 കി​ലോ​മീ​റ്റ​റി​ല്‍ രാ​ത്രി ഗ​താ​ഗ​ത​നി​രോ​ധ​ന ഉ​ത്ത​ര​വി​റ​ക്കി​യ​ത്.

റെ​യി​ൽ ലൈ​നി​ന്റെ കാ​ര്യ​ത്തി​ലും ഇ​തു​വ​രെ​യു​ള്ള ക​ർ​ണാ​ട​ക നി​ല​പാ​ട് വ​ലി​യ ആ​ശാ​സ്യ​മ​ല്ല. ത​ല​ശ്ശേ​രി-​മൈ​സൂ​ർ, നി​ല​മ്പൂ​ര്‍- ന​ഞ്ച​ന്‍കോ​ട് ആ​യാ​ലും ദേ​ശീ​യോ​ദ്യാ​ന​ങ്ങ​ളി​ലൂ​ടെ ഏ​താ​നും കി​ലോ​മീ​റ്റ​ര്‍ പാ​ളം പ​ണി​യ​ണം.

വ​യ​നാ​ടി​ന്റെ പു​രോ​ഗ​തി​ക്കു ഉ​ത​കു​ന്ന​തും കാ​ട്ടി​ലൂ​ടെ ക​ട​ന്നു​പോ​കേ​ണ്ട​തു​മാ​യ വി​ക​സ​ന പ​ദ്ധ​തി​ക​ള്‍ക്കു ദീ​ര്‍ഘ​കാ​ല​മാ​യി ക​ർ​ണാ​ട​ക വ​ലി​യ താ​ത്പ​ര്യം കാ​ണി​ക്കു​ന്നി​ല്ല. ബൈ​ര​ക്കു​പ്പ പാ​ലം വ​ന്നാ​ൽ പു​ൽ​പ​ള്ളി മേ​ഖ​ല​യി​ൽ വ​ലി​യ വി​ക​സ​ന​മു​ണ്ടാ​കും. കൊ​ട്ടി​ഘോ​ഷി​ച്ച് ത​റ​ക്ക​ല്ലി​ട​ൽ ന​ട​ത്തി​യി​ട്ടും പാ​ലം യാ​ഥാ​ർ​ഥ്യ​മാ​യി​ല്ല.

വ​ന​ത്തി​ലൂ​ടെ​യു​ള്ള റോ​ഡി​ന് ക​ർ​ണാ​ട​ക എ​തി​ര് നി​ന്ന​താ​ണ് പ്ര​ശ്ന​മാ​യ​ത്. രാ​ത്രി​യാ​ത്ര കേ​സു​ക​ളി​ല്‍ വ​യ​നാ​ടി​നു ഗു​ണ​ക​ര​മാ​യ നി​ല​പാ​ട് സ്വീ​ക​രി​ക്കാ​ന്‍ ക​ര്‍ണാ​ട​ക സ​ര്‍ക്കാ​ര്‍ ത​യാ​റാ​യി​ല്ല. കോ​ൺ​ഗ്ര​സ് മ​ന്ത്രി​സ​ഭ അ​ധി​കാ​ര​ത്തി​ലേ​റു​ന്ന​തോ​ടെ കേ​ര​ള​ത്തി​ന്റെ താ​ത്പ​ര്യ​ങ്ങ​ൾ​ ചർച്ച ചെയ്യുന്നതിന് അവസരമുണ്ടായേക്കും.