കൽപ്പറ്റ > സുൽത്താൻ ബത്തേരി വാകേരിയിൽ യുവാവിനെ കടിച്ചുകൊന്ന കടുവയെ വെടിവയ്‌ക്കാൻ തീരുമാനം. മനുഷ്യജീവന്‌ ഭീഷണിയാകുന്ന സാഹചര്യമുണ്ടായാൽ വെടിവച്ച് കൊല്ലാമെന്നാണ്‌ ഉത്തരവ്. നാട്ടുകാരുടെ പ്രതിഷേധത്തെ തുടർന്ന്‌ കണ്ണൂർ ഫോറസ്‌റ്റ്‌ ചീഫ്‌ കൺസർവേറ്ററാണ്‌ ഉത്തരവിറക്കിയത്‌.
ഇന്നലെ വൈകിട്ടാണ് കൂടല്ലൂരില്‍ വയലില്‍ പുല്ലരിയാന്‍ പോയ ക്ഷീരകര്‍ഷകന്‍ പ്രജീഷിനെ കടുവ ആക്രമിച്ചു കൊന്നത്. ബത്തേരി താലൂക്ക് ആശുപത്രിയില്‍ പോസ്റ്റ് മോര്‍ട്ടം നടപടികള്‍ പൂര്‍ത്തിയാക്കിയെങ്കിലും കടുവയെ വെടിവച്ചുകൊല്ലാനുള്ള ഉത്തരവെത്തുന്നതുവരെ മൃതദേഹം സംസ്‌കരിക്കില്ലെന്ന നിലപാടിലാണു ബന്ധുക്കളും നാട്ടുകാരും. കടുവയ്ക്കായി കൂടല്ലൂരിലും പരിസരപ്രദേശത്തും വനംവകുപ്പ് തിരച്ചില്‍ തുടരുകയാണ്.
