കോഴിക്കോട് : മൊബൈല് ഫോണിലേക്ക് അശ്ലീല സന്ദേശം അയച്ച എഎസ്ഐയെ മര്ദ്ദിച്ച് വനിതാ പോലീസുകാരി. പോലീസ് സ്റ്റേഷനുള്ളില് വച്ചാണ് എഎസ്ഐയ്ക്ക് മര്ദ്ദനമേറ്റത്. കോട്ടയം പള്ളിക്കത്തോട് പോലീസ് സ്റ്റേഷനിലാണ് സംഭവം നടന്നത്. ഇതേ സ്റ്റേഷനിലെ പോലീസുകാര് തമ്മിലാണ് കയ്യാങ്കളി നടന്നത്. ഞായറാഴ്ച രാവിലെയാണ് സ്റ്റേഷനുള്ളില് പോലീസുകാര് തമ്മില് കയ്യേറ്റമുണ്ടായത്.
സംഭവത്തില് ജില്ലാ പോലീസ് മേധാവി വകുപ്പുതല അന്വേഷണത്തിന് ഉത്തരവിട്ടിട്ടുണ്ട്. വനിതാ പോലീസുകാരിയുടെ ഫോണിലേക്ക് എഎസ്ഐ അശ്ലീല സന്ദേശം അയച്ചതിന് പിന്നാലെയാണ് പ്രശ്നങ്ങള് ആരംഭിച്ചത്. ഇതേച്ചൊല്ലി ഇരുവരും തമ്മില് തര്ക്കമുണ്ടാവുകയും തര്ക്കം കയ്യാങ്കളിയിലെത്തുകയുമായിരുന്നു.
