കേപ്ടൗണ്: വനിതാ ടി20 ലോകകപ്പ് ആദ്യ സെമിയില് ഇന്ത്യക്കെതിരെ ടോസ് നേടിയ ഓസ്ട്രേിലിയ ബാറ്റിംഗ് തെരഞ്ഞെടുത്തു. ക്യാപ്റ്റന് ഹര്മന്പ്രീത് കൗര് ഇന്ത്യക്കായി ഇറങ്ങുമ്പോള് പരിക്കേറ്റ പൂജ വസ്ട്രക്കര് ഇന്ന് ഇന്ത്യന് നിരയിലില്ല. പൂജക്ക് പകരം സ്നേഹ് റാണയാണ് ഇന്ത്യയുടെ അന്തിമ ഇലവനില് ഇടം നേടിയത്. രാധാ യാദവിന് പകരം രാജേശ്വരി ഗെയ്ക്വാദും ഇന്ത്യയുടെ അന്തിമ ഇലവനിലെത്തി. ഓസീസ് ടീമിലും മാറ്റമുണ്ട്. അലാന കിങിന് പകരക്കാരിയായി ജെസ് ജൊനാസന് ടീമില് തിരിച്ചെത്തി. അനാബെല് സതര്ലാന്ഡിന് പകരം സൂപ്പര് താരം അലീസ ഹീലിയും ഓസീസ് ടീമില് തിരിച്ചെത്തിയിട്ടുണ്ട്.
പനിമൂലം കളിക്കുമോ എന്ന് ആശങ്കയുണ്ടായിരുന്നെങ്കിലും ക്യാപ്റ്റനായി ഹര്മന് തിരിച്ചെത്തിയത് ഇന്ത്യക്ക് ആശ്വാസമാണ്. . മൂന്ന് വർഷം മുൻപ് ഇന്ത്യയെ തോൽപിച്ചാണ് ഓസീസ് വനിതകൾ അഞ്ചാം കിരീടം സ്വന്തമാക്കിയത്. കഴിഞ്ഞവർഷം കോമൺവെൽത്ത് ഗെയിംസ് ഫൈനലിലും ഓസിസ് കരുത്തിന് മുന്നിൽ ഇന്ത്യക്ക് അടിതെറ്റി. ഏറ്റവുമൊടുവിൽ ഏറ്റുമുട്ടിയ അഞ്ചു മത്സരങ്ങളുടെ പരമ്പരയും 4-1ന് ഓസീസ് സ്വന്തമാക്കി.
സ്മൃതി മന്ദാനയും ഫെഷാലി വർമ്മയും നൽകുന്ന തുടക്കമാവും ഏറ്റവും നിർണായകമാവുക. ഹർമൻപ്രീതും ജമെയ്മ റോഡ്രിഗസും അടക്കമുള്ള മധ്യനിരയുടെ സ്ഥിരതയില്ലായ്മ ആശങ്കയായി തുടരുന്നു. ഗ്രൂപ്പിൽ എല്ലാ കളിയും ജയിച്ചാണ് ഓസീസ് സെമിക്കിറങ്ങുന്നത്. ഇന്ത്യയാവട്ടെ ഇംഗ്ലണ്ടിനോട് തോറ്റ് ഗ്രൂപ്പിൽ രണ്ടാംസ്ഥാനത്തായി.
ഇന്ത്യ പ്ലേയിംഗ് ഇലവന്: Shafali Verma, Smriti Mandhana, Jemimah Rodrigues, Harmanpreet Kaur(c), Richa Ghosh(w), Deepti Sharma, Yastika Bhatia, Sneh Rana, Shikha Pandey, Radha Yadav, Renuka Thakur Singh.
ഓസ്ട്രേലിയ പ്ലേയിംഗ് ഇലവന്: Alyssa Healy(w), Beth Mooney, Meg Lanning(c), Ashleigh Gardner, Ellyse Perry, Tahlia McGrath, Grace Harris, Georgia Wareham, Jess Jonassen, Megan Schutt, Darcie Brown.
