റാന്നി: ബൈക്കും ലോറിയും കൂട്ടിയിടിച്ച് നിർമാണ തൊഴിലാളി മരിച്ചു. പെരുനാട് മാമ്പാറ കാർമേൽ എസ്റ്റേറ്റ് മുകുളവിള വീട്ടിൽ ജോസിൻ്റെ മകൻ എബി ജോസ് (35) ആണ് മരിച്ചത്.
ചൊവ്വാഴ്ച രാവിലെ 7.45 ഓടെ മണ്ണാറകുളഞ്ഞി – വടശ്ശേരിക്കര റോഡിൽ ചെങ്ങറ മുക്കിൽലാണ് അപകടം.
എബി ജോസ് ഓടിച്ചിരുന്ന ബൈക്ക് എതിരെ വന്ന സിമൻറ് ലോറിയുമായി കുട്ടിയിടിക്കുകയായിരുന്നു. അവിവിവാഹിതനാണ് . മാതാവ് ഗ്രേസി. സഹോദരൻ ജോബി ജോസ്. സംസ്കാരം പിന്നീട്. വടശ്ശേരിക്കര പോലീസ് മേൽനടപടികൾ സ്വീകരിച്ചു.
