തൃശ്ശൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച യുവാവ് അറസ്റ്റില്‍. തമിഴ്‌നാട് കന്യാകുമാരി കുലശേഖരം സ്വദേശി അഭിഷേകിനെയാണ് എസ്‌ഐ ടി.സി അനുരാജ് അറസ്റ്റ് ചെയ്തത്. റയില്‍വേയിലെ കരാര്‍ ജീവനക്കാരനായ അഭിഷേക് പതിനേഴുകാരിയായ പെണ്‍കുട്ടിയെ ഇന്‍സ്റ്റഗ്രാമിലൂടെ പരിചയപ്പെട്ടാണ് വലയിലാക്കിയത്. തൃശ്ശൂരിലേക്ക് വിളിച്ചുവരുത്തിയ പെണ്‍കുട്ടിയെ സ്വകാര്യ ലോഡ്ജില്‍ കൊണ്ടുപോയാണ് പീഡനത്തിനിരയാക്കിയത്.
കഴിഞ്ഞ ദിവസമാണ് പെണ്‍കുട്ടിയെ കാണാതായത്. ബന്ധുക്കള്‍ എരുമപ്പെട്ടി പോലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് പെണ്‍കുട്ടിയെ കണ്ടെത്തിയത്. തുടര്‍ന്ന് സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിലാണ് പ്രതി പിടിയിലായത്.
