ന്യൂഡൽഹി∙ ന്യൂഡൽഹിയിലും പരിസരപ്രദേശങ്ങളിലും ഭൂചലനം. ആർക്കെങ്കിലും പരുക്കേറ്റതായോ, നാശനഷ്ടം സംഭവിച്ചതായോ റിപ്പോർട്ടുകളില്ല. ഞായറാഴ്ച രാവിലെ 11.23ഓടെയാണ് ഭൂചലനം അനുഭവപ്പെട്ടത്. പഞ്ചാബ്,ഹരിയാന, ശ്രീനഗർ, പുഞ്ച് എന്നിവിടങ്ങളിലായി പ്രകമ്പനവുമുണ്ടായി. അഫ്ഗാനിസ്ഥാനിലെ ഫയ്‌സാബാദിൽ ഞായറാഴ്ച രാവിലെ റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനം ഉണ്ടായിരുന്നു. ഇതിന്റെ തുടർചലനമാണ് ഉത്തരേന്ത്യൻ നഗരങ്ങളിൽ അനുഭവപ്പെട്ടത്.
