ഹരിപ്പാട്: കാൽനടയാത്രക്കാരൻ കണ്ടെയ്നർ ലോറി ഇടിച്ചു മരിച്ചു. ഹരിപ്പാട് വെട്ടുവേനി സിന്ധു ഭവനത്തിൽ നാരായണ കാരണവർ(78) ആണ് മരിച്ചത്. കെ എസ് ആർ ടി സി ബസ് സ്റ്റേഷന് തെക്കുവശം ചൊവ്വാഴ്ച വൈകിട്ട് അഞ്ചിന് ആയിരുന്നു അപകടം. കൊല്ലത്തുനിന്നും എറണാകുളത്തേക്ക് പോവുകയായിരുന്ന ലോറി ഇടിക്കുകയായിരുന്നു.
ഉടൻതന്നെ ഹരിപ്പാട് താലൂക്ക് ആശുപത്രിയിലും തുടർന്ന് വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയും പരിക്ക് ഗുരുതരമായതിനെ തുടർന്ന് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്ന് പുലർച്ചെ അന്തരിച്ചു. സംസ്കാരം ഇന്ന് വൈകിട്ട് 4ന്. ഭാര്യ: രുഗ്മിണി. മക്കൾ: മുരുകൻ, സിന്ധു. മരുമകൾ പ്രിയ.
