തദ്ദേശ ഉപതിരഞ്ഞെടുപ്പ്: സംസ്ഥാനത്ത് 19 വാർഡുകളിലെ വോട്ടർപട്ടിക പുതുക്കുന്നു

തിരുവനന്തപുരം∙ സംസ്ഥാനത്ത് അംഗങ്ങളുടെ ആകസ്മിക ഒഴിവുകൾ വന്ന 19 തദ്ദേശ വാർഡുകളിൽ ഉപതിരഞ്ഞെടുപ്പ് നടത്തുന്നതിനു വോട്ടർപട്ടിക പുതുക്കുന്നു. കരട് വോട്ടർപട്ടിക നാളെ (ഏപ്രിൽ 5) അതാത് ഇലക്ടറൽ റജിസ്ട്രേഷൻ ഓഫിസർമാർ പ്രസിദ്ധീകരിക്കുമെന്ന് സംസ്ഥാന തിരഞ്ഞെടുപ്പ് കമ്മിഷണർ എ.ഷാജഹാൻ അറിയിച്ചു. നാളെ മുതൽ 20 വരെ അപേക്ഷകളും ആക്ഷേപങ്ങളും സമർപ്പിക്കാം. അന്തിമപട്ടിക 29ന് പ്രസിദ്ധീകരിക്കും.

ncs-up

Rajan-up

പട്ടികയിൽ പുതുതായി പേരു ചേർക്കാനും ഭേദഗതിയോ സ്ഥാനമാറ്റമോ വരുത്താനും അപേക്ഷകൾ http://www.lsgelection.kerala.gov.in സൈറ്റിൽ ഓൺലൈനായി സമർപ്പിക്കാം. പേര് ഒഴിവാക്കുന്നതിന് ആക്ഷേപങ്ങൾ ഫോം 5ൽ നേരിട്ടോ തപാലിലൂടെയോ ബന്ധപ്പെട്ട ഇലക്ടറൽ റജിസ്ട്രേഷൻ ഓഫിസർക്കു നൽകണം. ഇലക്ടറൽ റജിസ്ട്രേഷൻ ഓഫിസറുടെ തീരുമാനത്തിനെതിരെ അപ്പീൽ സമർപ്പിക്കുവാൻ അവസരമുണ്ട്. തദ്ദേശ വകുപ്പിലെ ജില്ലാ ജോയിന്റ് ഡയറക്ടറാണ് അപ്പീൽ അധികാരി. ഉത്തരവ് തീയതി മുതൽ 15 ദിവസമാണ് അപ്പീൽ കാലയളവ്.

ALA-up

self

കരട് വോട്ടർപട്ടിക ബന്ധപ്പെട്ട തദ്ദേശ സ്ഥാപനങ്ങളിലും താലൂക്ക്, വില്ലേജ് ഓഫിസുകളിലും പ്രസിദ്ധീകരിക്കും. കമ്മിഷന്റെ http://www.lsgelection.kerala.gov.in സൈറ്റിലും ലഭ്യമാണ്.

Rajan-up

self

തിരുവനന്തപുരം, കണ്ണൂർ കോർപ്പറേഷനുകളിലെ ഒരോ വാർഡിലും ചേർത്തല, കോട്ടയം മുനിസിപ്പൽ കൗൺസിലുകളിലെ ഓരോ വാർഡിലും 15 ഗ്രാമപഞ്ചായത്ത് വാർഡുകളിലുമാണ് വോട്ടർപട്ടിക പുതുക്കുന്നത്. ഉപതിരഞ്ഞെടുപ്പ് നടത്തുന്ന വാർഡുകൾ – ജില്ലാ, തദ്ദേശസ്ഥാപനം, വാർഡ് നമ്പരും പേരും ക്രമത്തിൽ:

തിരുവനന്തപുരം: തിരുവനന്തപുരം കോർപറേഷനിലെ 18-മുട്ടട, പഴയകുന്നുമ്മേൽ പഞ്ചായത്തിലെ 10- കാനാറ.

കൊല്ലം: അഞ്ചൽ ഗ്രാമ പഞ്ചായത്തിലെ 14-തഴമേൽ.

പത്തനംതിട്ട: മൈലപ്ര പഞ്ചായത്തിലെ 05-പഞ്ചായത്ത് വാർഡ്.

ആലപ്പുഴ: ചേർത്തല മുനിസിപ്പൽ കൗൺസിലെ 11-മുനിസിപ്പൽ ഓഫിസ്.

കോട്ടയം: കോട്ടയം മുനിസിപ്പൽ കൗൺസിലെ 38-പുത്തൻതോട്, മണിമല ഗ്രാമ പഞ്ചായത്തിലെ 06-മുക്കട, പൂഞ്ഞാർ ഗ്രാമ പഞ്ചായത്തിലെ 01-പെരുന്നിലം.

എറണാകുളം: നെല്ലിക്കുഴി പഞ്ചായത്തിലെ 06-തുളുശേരിക്കവല.

പാലക്കാട്: പെരിങ്ങോട്ടുകുറിശി പഞ്ചായത്തിലെ 08-ബമ്മണ്ണൂർ, മുതലമട പഞ്ചായത്തിലെ 17-പറയമ്പള്ളം, ലക്കിടി പേരൂർ പഞ്ചായത്തിലെ 10-അകലൂർ ഈസ്റ്റ്, കരിമ്പ പഞ്ചായത്തിലെ 01-കപ്പടം, കാഞ്ഞിരപ്പുഴ പഞ്ചായത്തിലെ 03-കല്ലമല.

കോഴിക്കോട്: ചെങ്ങോട്ടുകാവ് പഞ്ചായത്തിലെ 07-ചേലിയ ടൗൺ, പുതുപ്പാടി പഞ്ചായത്തിലെ 05-കണലാട്, വേളം പഞ്ചായത്തിലെ 11-കുറിച്ചകം.

കണ്ണൂർ: കണ്ണൂർ കോർപറേഷനിലെ 14-പള്ളിപ്രം, ചെറുതാഴം പഞ്ചായത്തിലെ 16-കക്കോണി.