ബോളിവുഡ് താരം അജയ് ദേവ്ഗണിനു പിന്നാലെ ശബരിമല ദർശനം നടത്തി തമിഴകത്തിന്റെ പ്രിയ സംവിധായകൻ വിഘ്നേഷ് ശിവൻ. മകരവിളക്ക് ദർശനത്തിനായാണ് വിഘ്നേഷ് ശിവൻ ശബരിമലയിൽ എത്തിയിരിക്കുന്നത്. ദർശനത്തിനു ശേഷം ആരാധകർക്കായി പൊങ്കൽ ആശംസകളും അദ്ദേഹം നേർന്നു. ശബരിമലയിൽ നിന്നുള്ള ചിത്രം വിഘ്നേഷ് സമൂഹ മാധ്യമത്തിലൂടെ പങ്കുവച്ചിട്ടുണ്ട്. 2020 ലും മകരവിളക്ക് ദർശനത്തിനായി വിഘ്നേഷ് എത്തിയിരുന്നു. മകരവിളക്കിനുള്ള ഒരുക്കങ്ങളെല്ലാം പൂർത്തിയായതായി തിരുവിതാംകൂര്‍ ദേവസ്വം ബോർഡ് അറിയിച്ചു. ഇന്ന് സന്ധ്യയ്ക്ക് 6 .30 നും 6 .45 ഉം മധ്യേയാണ് തിരുവാഭരണം ചാർത്തിയുള്ള ദീപാരാധന നടക്കുക. തുടർന്ന് പൊന്നമ്പലമേട്ടിൽ മകരജ്യോതി തെളിയും. ഉച്ചയ്ക്ക് 2 .29 ആണ് മകര സംക്രമ മുഹൂർത്തം.
