ചണ്ഡീഗഡ്: ഉത്തര്‍പ്രദേശിലെ പിലിഭിത്തില്‍ ഖലിസ്ഥാന്‍ അനുഭാവിയായ അമൃത്പാലിനെ ഒളിവില്‍ കഴിയാന്‍ സഹായിച്ചയാളെ പോലീസ് അറസ്റ്റ് ചെയ്തു. ലുധിയാന സ്വദേശി ജോഗ സിംഗ് ആണ് അറസ്റ്റിലായത്. ഹരിയാനയില്‍ നിന്ന് പഞ്ചാബിലേക്ക് വരുന്നതിനിടെയാണ് ജോഗ സിംഗ് അറസ്റ്റിലായതെന്ന് മുതിര്‍ന്ന പോലീസ് ഉദ്യോഗസ്ഥരും അറിയിച്ചു. ജോഗ സിംഗ് അമൃത്പാല്‍ സിംഗുമായി നേരിട്ട് ബന്ധപ്പെട്ടിരുന്നു. അമൃത്പാല്‍ സിംഗിന് ഒളിവില്‍ കഴിയാന്‍ താമസവും വാഹനവും ഒരുക്കിയത് ഇയാളാണ്.
