കൊച്ചി: വന്ദേ ഭാരത് എക്സ്പ്രസിനെ തടയുന്നവര്ക്ക് ജനങ്ങളുടെ തിരിച്ചടിയുണ്ടാകുമെന്ന്് ബിജെപി സംസ്ഥാന അധ്യക്ഷന് കെ സുരേന്ദ്രന്. കൊച്ചിയില് പ്രധാനമന്ത്രി പങ്കെടുക്കുന്ന യുവം പരിപാടിയെ കുറിച്ച് വിശദീകരിക്കാന് വിളിച്ചുചേര്ത്ത വാര്ത്താ സമ്മേളനത്തിലാണ് വിമര്ശനം. വന്ദേ ഭാരതിനെ തടയുന്നവര്ക്ക് ജനങ്ങളുടെ തിരിച്ചടിയുണ്ടാകും. എല്ലായിടത്തും നിര്ത്തിയാല് വന്ദേ ഭാരതാകില്ല. ഷൊര്ണൂര്, ചെങ്ങന്നൂര് സ്റ്റേഷനുകളുടെ കാര്യം മന്ത്രി വി.മുരളീധരന് റെയില്വെ മന്ത്രിയുടെ ശ്രദ്ധയില്പ്പെടുത്തിയിട്ടുണ്ട്.
സില്വര് ലൈന് പദ്ധതി നിലവിലെ ഡി പി ആര് അനുസരിച്ച് നടപ്പാക്കാനാവില്ലെന്നും അദ്ദേഹം പറഞ്ഞു. ജോണി നെല്ലൂരിന്റെ പുതിയ രാഷ്ട്രീയ പാര്ട്ടിയെ ബിജെപി നിഗ്രഹിക്കില്ല. ഒരു വാതിലും അവര്ക്ക് മുന്നില് അടച്ചിടുന്നില്ലെന്നും അദ്ദേഹം പറഞ്ഞു. അതേസമയം ഉന്നത വിദ്യാഭ്യാസ രംഗത്ത് കേരളത്തില് നിലവാരത്തകര്ച്ചയെന്നും സുരേന്ദ്രന് പറഞ്ഞു.
