കൊച്ചി: അറിവിന്റെ സ്വാതന്ത്ര്യത്തിനായ് പ്രവര്‍ത്തിക്കുന്ന സംഘടനയായ സ്വതന്ത്ര വിജ്ഞാന ജനാധിപത്യ സഖ്യം (ഡി.എ.കെ.എഫ് ) എറണാകുളം ജില്ലാ സമ്മേളനം 2023 ഏപ്രില്‍ 29-ന് ശനിയാഴ്ച, രാവിലെ 10 മണിക്ക് കൊച്ചി ശാസ്ത്ര സാങ്കേതിക സര്‍വ്വകലാശാല ഹിന്ദി ഓഡിറ്റോറിയത്തില്‍ വെച്ച് നടക്കും.
അറിവിന്റേയും, ശാസ്ത്ര സാങ്കേതിക വിദ്യകളുടേയും സ്വതന്ത്രമായ ഉപയോഗവും, പങ്കിടലും ഉറപ്പാക്കാക്കി, വിവേചന രഹിതമായ സാമൂഹ്യ പുരോഗതിക്ക് വേണ്ടി പ്രവര്‍ത്തിക്കുന്ന സംഘടനയാണിത്.കേരളം മെച്ചപ്പെട്ട വൈജ്ഞാനിക സമൂഹമായി മാറ്റുന്നുള്ള പ്രവര്‍ത്തനങ്ങള്‍ ആസൂത്രിതമായി നടപ്പിലാക്കുന്ന ഈ സമയത്ത്, ഈ സമ്മേളനം ഏറെ പ്രസക്തമാണ്. ഈ വര്‍ഷം ആഗസ്റ്റില്‍ തിരുവനന്തപുരത്ത് വെച്ചു നടക്കുന്ന അന്താരാഷ്ട്ര ഫ്രീഡം ഫെസ്റ്റിന്റെ മുഖ്യ സംഘാടന ഉത്തരവാദിത്വമുള്ള സംഘടനയാണ് സ്വതന്ത്ര വിജ്ഞാന ജനാധിപത്യ സഖ്യം.മഹാത്മാഗാന്ധി സര്‍വ്വകലാശാല പ്രൊ വൈസ് ചാന്‍സലര്‍ ഡോ. സി.ടി. അരവിന്ദകമാര്‍ ഉദ്ഘാടനം ചെയ്യുന്ന സമ്മേളനത്തില്‍ സംഘടനയുടെ സംസ്ഥാന സെക്രട്ടറിയും, കൈറ്റ് ഡയറക്റ്ററുമായ അന്‍വര്‍ സാദത്ത് പങ്കെടുക്കും.
