കൊച്ചി: താന് സിനിമയില് നിന്നും ഇടവേള എടുത്തതല്ലെന്നും തന്നെ മനഃപൂര്വ്വം ഒഴിവാക്കിയതാണെന്നും നടന് ധര്മ്മജന് ബോള്ഗാട്ടി. വേഷത്തിനായി ഇതുവരെ ചാന്സ് ചോദിച്ചിട്ടില്ലെന്നും തനിക്ക് പരാതിയില്ലെന്നും ഒരു അഭിമുഖത്തില് താരം പറഞ്ഞു. എന്നെ അത്രയധികം ആവശ്യമുണ്ടെന്ന് തോന്നുന്ന റോളിലേക്കാണ് എന്നെ വിളിക്കാറുള്ളത്. സിനിമയില് ഒരുപാട് പകരക്കാരുണ്ടെന്നും താനില്ലെങ്കിലും പകരം പെട്ടന്ന് ആളെ കിട്ടുമെന്നും ധര്മ്മജന് പറഞ്ഞു.
സിനിമയില് നിന്ന് തന്നെ മനപ്പൂര്വ്വം ഒഴിവാക്കിയതാണ് എന്നാണ് തോന്നുന്നതെന്നാണ് ധര്മജന് പറഞ്ഞത്. ‘ഒന്നാമത്തെ കാര്യം കൊറോണയുടെ ഗ്യാപ്പ് ഉണ്ടായിരുന്നു. പിന്നെ സിനിമക്ക് വേണ്ടി ആരേയും വിളിക്കാറില്ല. അങ്ങനെയൊരു ചോദിക്കലൊന്നും എന്റെ ഭാഗത്ത് നിന്നും ഉണ്ടാകാറില്ല. എന്റെ ജീവിതത്തില് ഇതുവരെ ആരേയും വിളിച്ച് ചാന്സ് ചോദിച്ചിട്ടില്ല, അതും കൂടിയാവാം. എങ്ങനെയാണ് ചാന്സ് കിട്ടാതാവുന്നതെന്ന് അറിയില്ല. ഇതുവരെ ചാന്സ് ചോദിച്ചിട്ടില്ല, ചോദിക്കണമെന്നുണ്ട്. ഇനി ഞാന് ചോദിക്കും. ഇപ്പോഴും ചാന്സ് ചോദിക്കുമെന്ന് ജയസൂര്യയൊക്കെ പറയാറുണ്ട്. ചാന്സ് ചോദിക്കാത്തത് എന്റെ ക്യാരക്ടറിന്റെ പ്രശ്നമായിരിക്കുമെന്നും ധര്മജന് പറയുന്നു.
