ഹൈദരാബാദ്: പവന് കല്യാണ് ചിത്രത്തിന്റെ സെറ്റില് വന് തീപിടുത്തം. കൃഷ് ജഗര്ലമുഡിയുടെ ‘ഹരി ഹര വീര മല്ലു’ ചിത്രത്തിന്റെ സെറ്റിലാണ് തീപിടുത്തമുണ്ടായത്. ഹൈദരാബാദിലെ ഡുണ്ടിഗല് എന്ന സ്ഥലത്ത് ചിത്രത്തിനായി തയ്യാറാക്കിയ സെറ്റിലാണ് തീപിടിത്തുമുണ്ടായത്. സെറ്റില് അപകടസമയത്ത് ആരും ഉണ്ടായിരുന്നില്ല. എന്നാല് അപകടത്തില് ഷൂട്ടിംഗ് സെറ്റിന്റെ ഭൂരിഭാഗവും നശിച്ചതിനാല് വലിയ നാശനഷ്ടമുണ്ടെന്നാണ് റിപ്പോര്ട്ട്.
അതേസമയം ഡുണ്ടിഗല് പോലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്. പുതിയ സെറ്റ് നിര്മിക്കേണ്ടിവരുന്നതിനാല് ചിത്രീകരണം വൈകുമെന്നുമാണ് റിപ്പോര്ട്ട്. എ ദയകര് റാവു, എ എം രത്നം എന്നിവര് ചേര്ന്നാണ് ചിത്രം നിര്മിക്കുന്നത്. മെഗാ സൂര്യ പ്രൊഡക്ഷന്സിന്റെ ബാനറിലാണ് നിര്മാണം. എം എം കീരവാണിയാണ് സംഗീത സംവിധാനം. അര്ജുന് രാംപാല്, നര്ഗീസ് ഫഖ്രി, ആദിത്യ മേനോന്, പൂജിത പൊന്നാഡ എന്നിവരാണ് മറ്റുതാരങ്ങള്.
