മുംബൈ : നാവികസേന കപ്പല് ഐഎന്എസ് രണ്വീറിലുണ്ടായ സ്ഫോടനം സംബന്ധിച്ച അന്വേഷണം തുടരുന്നു. ആയുധങ്ങള് കൊണ്ടോ യുദ്ധ സാമഗ്രികള് കൊണ്ടോ അല്ല സ്ഫോടനം ഉണ്ടായതെന്നാണു പ്രാഥമിക വിവരം. ഇന്നലെ വൈകിട്ട് നാലരയ്ക്ക് കപ്പലിലുണ്ടായ സ്ഫോടനത്തില് മൂന്ന് നാവികസേനാംഗങ്ങള് മരിക്കുകയും 11 പേര്ക്ക് പരുക്കേല്ക്കുകയും ചെയ്തിരുന്നു. കൃഷന് കുമാര്, സുവിന്ദര് കുമാര്, എ.കെ.സിങ് എന്നിവരാണു മരിച്ചത്. കപ്പലില് ഉണ്ടായിരുന്നവരുടെ അതിവേഗ ഇടപെടല് സ്ഥിതി നിയന്ത്രണ വിധേയമാക്കിയെന്നു നാവികസേന വ്യക്തമാക്കി. പ്രതിരോധ മന്ത്രാലയവും സ്ഫോടന വിവരം സ്ഥിരീകരിച്ചു. കപ്പലിനു കാര്യമായ കേടുപാടുകള് ഇല്ല. കിഴക്കന് നേവല് കമാന്ഡിന്റെ കീഴിലുള്ള കപ്പലാണ് ഐഎന്എസ് രണ്വീര്. 2021 നവംബര് മുതല് ക്രോസ് കോസ്റ്റ് ഓപ്പറേഷനിലായിരുന്നു.
