പത്തനംത്തിട്ട: കോന്നി സിപിഐഎം ലോക്കൽ കമ്മിറ്റിയംഗത്തെ സാമൂഹിക വിരുദ്ധർ വെട്ടി പരിക്കേൽപ്പിച്ചു. സിപിഐഎം കോന്നിതാഴം ലോക്കൽ കമ്മിറ്റി അംഗം ജോൺസൺ ചെറിയാൻ (ഷാജി (45) ആണ് വെട്ടേറ്റത്. വ്യാഴാഴ്ച്ച രാത്രി 10 മണിയോടെ സാമൂഹിക വിരുദ്ധൻമാർ മദ്യപിച്ച് പ്രദേശവാസികളുടെ സ്വൈര്യം കെടുത്തിയപ്പോൾ പ്രദേശവാസികളുടെ പരാതിയെ തുടർന്ന് ചോദ്യം ചെയ്യുന്നിതിനിടെ വെട്ടുകത്തി ഉപയോഗിച്ച് വെട്ടുകയായിരുന്നു.
കൈയ്ക്ക് ഗുരുതരമായി പരിക്കേറ്റ ജോൺസൺ ചെറിയാനെ കോട്ടയം മെഡിക്കൽ കോളേജിൽ പ്രവേശിപ്പിച്ചു. ജോൺസനെ വെട്ടിയതിൽ പ്രതിഷേധിച്ച് സിപിഐഎം ലോക്കൽ കമ്മിറ്റിയുടെ നേത്യത്വത്തിൽ പ്രതിഷേധ പ്രകടനം നടത്തി.ഏരിയ കമ്മിറ്റി അംഗങ്ങളായ എം എസ് ഗോപിനാഥൻ, ജിജോ മോഡി, ആർ ഗോവിന്ദ്, ലോക്കൽ സെക്രട്ടറി കെ കെ വിജയൻ, ഡി വൈ എഫ് ഐ മേഖല പ്രസിഡൻ്റ് വിപിൻ വേണു എന്നിവർ സംസാരിച്ചു.അക്രമികളെ ഉടൻ അറസ്റ്റ് ചെയ്യണമെന്ന് ലോക്കൽ കമ്മിറ്റി ആവശ്യപ്പെട്ടു
