അങ്കമാലി: അങ്കമാലി താലൂക്ക് ആശുപത്രിയില് മരുന്നു മാറി കുത്തിവച്ചെന്ന പരാതിയില് അന്വേഷിച്ച് കര്ശന നടപടി സ്വീകരിക്കാന് ഉത്തരവിട്ട് ആരോഗ്യ മന്ത്രി വീണാ ജോര്ജ്. ആരോഗ്യ വകുപ്പ് ഡയറക്ടര്ക്കാണ് ഇത് സംബന്ധിച്ച നിര്ദേശം നല്കിയത്. അങ്കമാലി സ്വദേശിയായ ഏഴ് വയസ്സുകാരിയെ പനി ബാധിച്ചതിനെ തുടര്ന്നാണ് ഒമ്പതാം തീയതി ഗവണ്മെന്റ് താലൂക്ക് ആശുപത്രിയില് എത്തിച്ചത്. എന്നാല് രണ്ടുദിവസം മരുന്നു കഴിച്ചിട്ടും പനി കുറഞ്ഞില്ല തുടര്ന്ന് വീണ്ടും ആശുപത്രിയിലേക്ക് എത്തിയ കുട്ടിക്ക് രക്ത പരിശോധന നടത്താന് ഡോക്ടര്മാര് നിര്ദ്ദേശിച്ചിരുന്നു.
ഇതിനായി പരിശോധനാ റൂമിലേക്ക് അമ്മയ്ക്കൊപ്പമാണ് കുട്ടിയെത്തിയത്. എന്നാല് സമീപത്ത് നിന്ന് അമ്മ മാറിയതിനിടെ കുട്ടിയോട് പൂച്ച മാന്തിയതാണോ എന്ന് നേഴ്സ് ചോദിച്ചു, കുട്ടി അതെ എന്ന് മറുപടി നല്കി തുടര്ന്ന് ഇരു കൈകളിലും പേ വിഷബാധയ്ക്കുള്ള കുത്തിവയ്പ് എടുത്തു എന്നാണ് ആരോപണം. അമ്മ ഫോം പൂരിപ്പിക്കാനായി മാറിയതാണെന്നും രേഖകള് പരിശോധിക്കയാണ് കുട്ടിക്ക് കുത്തിവെപ്പ് നല്കിയതെന്നുമാണ് പരാതി. വാക്സിന് എടുത്തതില് ആശങ്കപ്പെടേണ്ടതില്ലെന്ന് എന്നാണ് ആശുപത്രി അധികൃതര് നല്കിയ മറുപടി എന്നും കുട്ടിയുടെ അമ്മ പറയുന്നു.
