പത്തനംതിട്ട: പൊലീസുകാർ തമ്മിൽ അടിച്ചതിൽ ആഭ്യന്തര അന്വേഷണം. തിരുവോണനാളിൽ അടൂർ പൊലീസ് ക്വാട്ടേഴ്സിലാണ് സംഭവം ഉണ്ടായത്. അടൂർ സ്റ്റേഷനിലെ ഒരു പൊലീസുകാരനും പന്തളം പൊലീസ് സ്റ്റേഷനിലെ പൊലീസുകാരനും തമ്മിലാണ് തർക്കമുണ്ടായത്. അടൂർ സ്റ്റേഷനിലെ പൊലീസുകാരൻ തൻ്റെ ക്വാട്ടേഴ്സിൽ ആരുമില്ലാത്ത സമയത്ത് പെൺസുഹൃത്തുമായി എത്തിയത് അയൽ ക്വാട്ടേഴ്സിൽ താമസിക്കുന്ന പൊലീസുകാരൻ ചോദ്യം ചെയ്തതാണ് തർക്കത്തിന് കാരണം. സംഭവത്തിൽ സ്പെഷ്യൽ ബ്രാഞ്ച് അന്വേഷണം തുടങ്ങി.
