ദുബായ് ∙ 38 ദിവസം നീണ്ടുനിൽക്കുന്ന ദുബായ് ഷോപ്പിങ് ഫെസ്റ്റിവൽ (ഡിഎസ്എഫ്) ഡിസംബർ 8 നു തുടങ്ങും. ആദായ വിൽപനയും വമ്പൻ സമ്മാനങ്ങൾ വാഗ്ദാനം ചെയ്യുന്ന നറുക്കെടുപ്പുകളുമുള്ള വ്യാപാരോത്സവം 2004 ജനുവരി 14 വരെ തുടരും. പ്രശസ്ത കലാകാരൻമാരുടെ നേതൃത്വത്തിൽ ഒട്ടേറെ കലാ വിരുന്നുകളും സംഘടിപ്പിച്ചിട്ടുണ്ട്. ഡിസംബർ 8 മുതൽ 10 വരെ ദുബായ് ഡിസൈൻ ഡിസ്ട്രിക്ടിലാണ് ഉദ്ഘാടനത്തോടനുബന്ധിച്ചുള്ള പ്രത്യേക ആഘോഷ പരിപാടികൾ നടക്കുന്നത്. അറബ് സംഗീതജ്ഞരായ അഹ്‌ലം അൽ ഷംസിയും അസ്സലാ നസ്‌രിയും 15 ന് സംഗീത വിരുന്ന് അവതരിപ്പിക്കും. തത്സമയ സംഗീത പ്രകടനങ്ങൾക്കു പുറമേ കലാകായിക മത്സരങ്ങളും വിനോദ പരിപാടികളും ഒരുക്കിയിട്ടുണ്ട്.
