റോം : കോവിഡും വാക്‌സീനും സംബന്ധിച്ച് വ്യാജവാര്‍ത്തകള്‍ പ്രചരിപ്പിക്കുന്നതിനെ ഫ്രാന്‍സിസ് മാര്‍പാപ്പ അപലപിച്ചു. ഭയം മുതലെടുത്ത് വസ്തുതകളെ വളച്ചൊടിക്കുകയാണെന്നും ശാസ്ത്രീയമായ കാര്യങ്ങള്‍ പുറത്തുകൊണ്ടുവരികയാണ് വേണ്ടതെന്നും മാര്‍പാപ്പ പറഞ്ഞു. മഹാമാരിയുമായി ബന്ധപ്പെട്ട് വസ്തുതാന്വേഷണം നടത്തുന്ന പത്രപ്രവര്‍ത്തക സംഘത്തോടാണ് മാര്‍പാപ്പ ഇക്കാര്യം വ്യക്തമാക്കിയത്. ഗര്‍ഭച്ഛിദ്രം വഴി ലഭിക്കുന്ന ഭ്രൂണത്തില്‍ നിന്നുള്ള കോശങ്ങള്‍ ഉപയോഗിച്ച് പരീക്ഷണം നടത്തുന്നതിനാല്‍ വാക്‌സീന്‍ സ്വീകരിക്കാന്‍ അമേരിക്കയിലെ ചില ബിഷപ്പുമാരും കര്‍ദിനാള്‍മാരും വിസമ്മതിക്കുന്ന പശ്ചാത്തലത്തിലാണ് മാര്‍പാപ്പയുടെ വിശദീകരണം.
