കോഴിക്കോട് > അയോധ്യയിൽ ബാബ്റി മസ്ജിദ് തകർത്തിടത്ത് നിർമിച്ച രാമക്ഷേത്രത്തിന്റെ പ്രതിഷ്ഠാ ചടങ്ങില് കോണ്ഗ്രസ് പങ്കെടുക്കുന്ന വിഷയത്തിൽ ഉരുണ്ടുകളിച്ച് പ്രതിപക്ഷ നേതാവ് വി ഡി സതീശൻ. പങ്കെടുക്കുന്ന കാര്യം തനിക്കറിയില്ലെന്നാണ് സതീശന്റെ വിചിത്രവാദം. അത് ദേശീയ കാര്യമാണെന്നും തനിക്കതിനെ കുറിച്ച് അറിയില്ലെന്നും സതീശന് പറഞ്ഞു. സിപിഐ എം പങ്കെടുക്കില്ലെന്ന് പ്രഖ്യപിച്ചിച്ചിട്ടുണ്ടല്ലോ എന്ന ചോദ്യത്തിനും ഉത്തരമുണ്ടായില്ല. കണ്ണൂർ ഡിസിസി ജനറൽ സെക്രട്ടറി സി രഘുനാഥ് ബിജെപിയിൽ ചേർന്നതിനെക്കുറിച്ചുള്ള ചോദ്യത്തിനും പ്രതിപക്ഷ നേതാവ് മറുപടി പറഞ്ഞില്ല.
അതേസമയം അയോധ്യയിലെ രാമക്ഷേത്രത്തിന്റെ പ്രതിഷ്ഠ ചടങ്ങിന് സോണിയ ഗാന്ധി പങ്കെടുത്തേക്കുമെന്നും ക്ഷണം സ്വീകരിച്ചെന്നും കോണ്ഗ്രസ് മുതിര്ന്ന നേതാവ് ദിഗ് വിജയ് സിംഗ് പറഞ്ഞിരുന്നു.
സോണിയ ഗാന്ധിയോ അല്ലെങ്കില് പാര്ട്ടിയില് നിന്നുള്ള മറ്റു നേതാക്കളോ ചടങ്ങില് പങ്കെടുക്കുമെന്നാണ് ദിഗ് വിജയ് സിംഗ് അറിയിച്ചത്. ശ്രീരാമ ജന്മ ഭൂമി ക്ഷേത്ര ട്രസ്റ്റ് അധികൃതരാണ് സോണിയ ഗാന്ധിയെ ക്ഷണിച്ചത്. അതേസമയം അയോധ്യ രാമക്ഷേത്ര പ്രതിഷ്ഠാ ചടങ്ങില് സിപിഐ എം പങ്കെടുക്കില്ലെന്ന് പൊളിറ്റ് ബ്യൂറോ വ്യക്തമാക്കി.
