കൊച്ചി> കരിക്ക് വെബ് സീരിസുകളിലൂടെയും സിനിമകളിലൂടെയും ശ്രദ്ധേയയായ നടി സ്നേഹ ബാബു വിവാഹിതയായി. കരിക്ക് ടീമിന്റെ സാമർത്ഥ്യശാസ്ത്രം എന്ന സീരീസിന്റെ ഛായാഗ്രാഹകനായ അഖിൽ സേവ്യറാണ് വരൻ. സാമർത്ഥ്യശാസ്ത്രത്തിന്റെ സെറ്റിൽവെച്ച് തുടങ്ങിയ സൗഹൃദം പ്രണയമാവുകയും വിവാഹത്തിലെത്തുകയുമായിരുന്നു. വിവാഹത്തിന് ‘കരിക്ക്’ താരങ്ങളെല്ലാവരും തന്നെ ആശംസകളറിയിക്കാൻ എത്തിയിരുന്നു. വിവാഹത്തിന്റെ ചിത്രങ്ങൾ സ്നേഹ സോഷ്യൽ മീഡിയയിൽ പങ്കുവെച്ചു. ആദ്യരാത്രി, ഗാനഗന്ധർവൻ, മിന്നൽ മുരളി തുടങ്ങിയ ചിത്രങ്ങളിൽ സ്നേഹ വേഷമിട്ടു.
