കൊൽക്കത്ത> സിപിഐ എമ്മിന്റെ സമുതനേതാവും പശ്‌ചിമ ബംഗാൾ മുഖ്യമന്ത്രിയുമായിരുന്ന ജ്യോതി ബസുവിന്റെ പേരിൽ നിർമ്മിക്കുന്ന സെന്റർ ഫോർ സോഷ്യൽ സ്റ്റഡീസ് ആൻഡ്‌ റിസർച്ച്‌ സെന്ററിന്റെ ശിലാസ്ഥാപനം അദ്ദേഹത്തിന്റെ 15ാം ചരമ വാർഷിക ദിനമായ 17ന് നടക്കും. രാജാർഹട്ടില ജ്യോതിബസു നഗറിൽ സിപിഐ എം ജനറൽ സെക്രട്ടറി സീതാറാം യെച്ചൂരി ശിലാസ്ഥാപനം നിർവ്വഹിക്കും. കേരള മുഖ്യമന്ത്രി പിണാറായി വിജയൻ, ബിഹാർ മുഖ്യമന്ത്രി നിതീഷ് കുമാർ എന്നിവർ പങ്കെടുക്കും. തുടർന്ന്‌ ‘മതേതര ജനാധിപത്യം സംരക്ഷിക്കുന്നതിലെ വെല്ലുവിളി’ എന്ന വിഷയത്തിൽ ദേശീയ സെമിനാർ നടക്കും. സീതാറാം യെച്ചൂരി, നിതീഷ്‌കുമാർ, പിണറായി വിജയൻ, സിപിഐ എം സംസ്ഥാന സെക്രട്ടറി മുഹമ്മദ് സലിം എന്നിവർ സംസാരിക്കും.
