ന്യൂഡൽഹി: കേന്ദ്ര വാർത്താവിതരണ പ്രക്ഷേപണ മന്ത്രാലയം സെക്രട്ടറിയായി സഞ്ജയ് ജാജു ചുമതലയേറ്റു. തെലങ്കാന കാഡറിൽ നിന്നുള്ള 1992 ബാച്ച് ഐ.എ.എസ് ഉദ്യോഗസ്ഥനാണ്.
ജാജു, 2018 മുതൽ 2023 വരെ കേന്ദ്ര സർക്കാറിന്റെ അഡീഷണൽ സെക്രട്ടറിയായും 2014 ഒക്ടോബർ മുതൽ 2018 മാർച്ച് വരെ നാഷണൽ ഹൈവേസ് ആൻഡ് ഇൻഫ്രാസ്ട്രക്ചർ ഡെവലപ്മെൻ്റ് കോർപ്പറേഷൻ ലിമിറ്റഡിൻ്റെ ഡയറക്ടറായും 2011 മേയ് മുതൽ 2014 ഒക്ടോബർ വരെ ആന്ധ്രാപ്രദേശ് ഗവൺമെന്റിന്റെ (ഇലക്ട്രോണിക്സ്, ഐ.ടി, കമ്മ്യൂണിക്കേഷൻസ് വകുപ്പ്) സെക്രട്ടറിയായും പ്രവർത്തിച്ചിട്ടുണ്ട്.
