തിരുവനന്തപുരം: മുഖ്യമന്ത്രി പിണറായി വിജയൻ നല്ല അഭിനേതാവാണെന്നും നാടകക്കമ്പനി തുടങ്ങണമെന്നുമുള്ള ഗവർണർ ആരിഫ് മുഹമ്മദ് ഖാന്‍റെ പരാമർശത്തെ ട്രോളി മന്ത്രി വി. ശിവൻകുട്ടി. പിണറായി നാടകക്കമ്പനി തുടങ്ങണമെന്നാണ് അഭിപ്രായമെങ്കിൽ ഗവർണർ സർക്കസ് കമ്പനി തുടങ്ങുന്നതാണ് ഏറ്റവും നല്ലതെന്നായിരുന്നു മന്ത്രിയുടെ തിരിച്ചടി.
സർക്കസ് കമ്പനി തുടങ്ങിയാൽ ഗുണമുണ്ട്. കാണാൻ വരുന്നവരെയെല്ലാം നന്നായി ചിരിപ്പിക്കാൻ കഴിയും. ചിരിപ്പിക്കാനുള്ള ആളുകളെയൊന്നും പുറത്തു നിന്ന് എടുക്കേണ്ടി വരില്ല. ഇക്കാര്യത്തിൽ ശമ്പളച്ചെലവ് വരാത്തതിനാൽ നഷ്ടവുമുണ്ടാകില്ല. പിണറായി വിജയന് നാടകക്കമ്പനി തുടങ്ങേണ്ട ഒരു ആവശ്യവുമില്ലെന്നും വി. ശിവൻകുട്ടി പറഞ്ഞു.
