ഭോപ്പാൽ: ഉത്തർപ്രദേശ് മുൻ ഗവർണറും മുതിർന്ന കോൺഗ്രസ് നേതാവുമായ അസീസ് ഖുറേഷി അന്തരിച്ചു. ദീർഘനാളായി അസുഖ ബാധിതനായിരുന്ന അദ്ദേഹം വെള്ളിയാഴ്ച രാവിലെ 11 മണിയോടെ ഭോപ്പാലിലെ സ്വകാര്യ ആശുപത്രിയിലാണ് ആശുപത്രിയിലാണ് മരിച്ചത്. അദ്ദേഹത്തിന് 83 വയസ്സായിരുന്നു. അവിവാഹിതനാണ്.
ഉത്തരാഖണ്ഡ്, ഉത്തർപ്രദേശ്, മിസോറാം സംസ്ഥാനങ്ങളുടെ ഗവർണറായി ഖുറേഷി സേവനമനുഷ്ഠിച്ചിട്ടുണ്ട്. 1972ൽ മധ്യപ്രദേശിലെ സെഹോർ സീറ്റിൽ നിന്ന് ആദ്യമായി എം.എൽ.എയായി തിരഞ്ഞെടുക്കപ്പെട്ടു. അദ്ദേഹം 1984ൽ ലോക്‌സഭാംഗമായി. മധ്യപ്രദേശിലെ ഭോപ്പാൽ സ്വദേശിയായ അദ്ദേഹം സംസ്ഥാന കോൺഗ്രസിലെ മുതിർന്ന നേതാവായിരുന്നു.
