മസ്കറ്റ്: ഒമാനില്‍ നിന്ന് പുതിയ സര്‍വീസ് തുടങ്ങി എയര്‍ ഇന്ത്യ എക്സ്പ്രസ്. മസ്കറ്റില്‍ നിന്ന് ലഖ്നൗവിലേക്ക് ചരണ്‍ സിങ് ഇന്‍റര്‍നാഷണല്‍ എയര്‍പോര്‍ട്ടിലേക്കുള്ള പുതിയ സര്‍വീസിനാണ് തുടക്കമായത്. പുതിയ സര്‍വീസിനെ മസ്കറ്റ് ഇന്‍റര്‍നാഷണല്‍ എയര്‍പോര്‍ട്ട് സ്വാഗതം ചെയ്തു. ആഴ്ചയില്‍ എല്ലാ ദിവസവും സര്‍വീസുണ്ടാകും. ശനിയാഴ്ച രാവിലെ 7.30നാണ് ലഖ്നോവില്‍ നിന്ന് വിമാനം പുറപ്പെട്ടത്. നിലവിൽ എയർ ഇന്ത്യ എക്സ്പ്രസ് മസ്കത്തിൽനിന്ന് കണ്ണൂർ, കൊച്ചി, കോഴിക്കോട്, മംഗളൂരു, തിരുവനന്തപുരം, തിരുച്ചിറപ്പള്ളി എന്നിവിടങ്ങളിലേക്കും സർവിസ് നടത്തുന്നുണ്ട്.
