ന്യൂഡല്ഹി : യോഗി ആദിത്യനാഥിന്റെ കേരള, കാശ്മീര്, ബംഗാള് പരാമര്ശത്തില് ടി.എന്.പ്രതാപന് എംപി അടിയന്തര പ്രമേയത്തിന് നോട്ടിസ് നല്കി. ബിജെപിക്ക് വോട്ട് ചെയ്തില്ലെങ്കില് ഉത്തര്പ്രദേശ് കേരളം, കശ്മീര്, ബംഗാള് സംസ്ഥാനങ്ങള് പോലെയാകുമെന്ന യുപി മുഖ്യമന്ത്രി യോഗി ആദിത്യനാഥിന്റെ പരാമര്ശം അങ്ങേയറ്റം ഗൗരവമുള്ളതാണ്. സംസ്ഥാനങ്ങള് തമ്മിലുള്ള ഐക്യത്തെ തകര്ക്കുന്ന ഇത്തരം വ്യവഹാരങ്ങള് മുഖ്യമന്ത്രിമാര് തന്നെ പറയാന് തുടങ്ങിയാല് ഇത് രാജ്യത്തിന്റെ അഖണ്ഡതയെ ബാധിക്കും. മറ്റു സംസ്ഥാനങ്ങളെ അപരവത്കരിച്ച് തിരഞ്ഞെടുപ്പില് ലാഭമുണ്ടാക്കാമെന്ന് വിചാരിക്കുന്ന രാഷ്ട്രീയ പാപ്പരത്തം നിരുത്സാഹിപ്പിക്കപ്പെടണമെന്ന് പ്രമേയത്തില് ചൂണ്ടിക്കാട്ടി.
