ചെന്നൈ> ചെന്നൈയിൽ കോട്ടയം എരുമേലി സ്വദേശികളായ ഡോക്ടറെയും അധ്യാപികയായ ഭാര്യയേയും കഴുത്തറുത്ത് കൊന്നു. ചെന്നൈ ആവഡിക്കുസമീപം മുത്തുപുതുപ്പേട്ട് ഗാന്ധിനഗറില് താമസിക്കുന്ന ശിവന് നായരും പ്രസന്നകുമാരിയുമാണ് മരിച്ചത്. ശിവൻ നായർ സിദ്ധഡോക്ടറാണ്. വിരമിച്ച അധ്യാപികയാണ് പ്രസന്നകുമാരി. വീടിനോട് ചേര്ന്ന് ശിവന് നായര് ക്ലിനിക്ക് നടത്തുന്നുണ്ട്. കവര്ച്ചയ്ക്കിടെയാണ് കൊലപാതകമെന്നാണ് സൂചന. ഇവരുടെ വീട്ടില്നിന്ന് 100 പവനോളം സ്വര്ണം മോഷണം പോയി.ഞായറാഴ്ച വൈകീട്ടാണ് സംഭവം. രോഗികളെന്ന വ്യാജേന എത്തിയവരാണ് കൊലനടത്തിയതെന്നാണ് പ്രാഥമിക അന്വേഷണത്തില് ലഭിച്ച സൂചന.
ബഹളം കേട്ട അയല്ക്കാരാണ് പോലീസിനെ അറിയിച്ചത്. സംഭവസ്ഥലത്ത് എത്തിയ പോലീസ് ഇരുവരേയും മരിച്ച നിലയില് കണ്ടെത്തുകയായിരുന്നു. മൃതദേഹം സര്ക്കാര് ആശുപത്രിയിലേക്ക് മാറ്റി. കരസേനയില് ഉദ്യോഗസ്ഥനായിരുന്നു ശിവൻ നായർ. വിരമിച്ച ശേഷമാണ് ചെന്നൈയിൽ സിദ്ധ പ്രാക്ടീസ് തുടങ്ങിയത്.
