ന്യൂ ഡൽഹി > ലോക്സഭ തെരഞ്ഞെടുപ്പ് ആറാം ഘട്ടം വിജ്ഞാപനം തെരഞ്ഞെടുപ്പ് കമീഷൻ പുറത്തിറക്കി. ആറ് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമായി മെയ് 25ന് നാണ് വോട്ടെടുപ്പ്.ബിഹാർ, ഹരിയാന, ഝാർഖണ്ഡ്, ഒഡീഷ, ഉത്തർപ്രദേശ്, പശ്ചിമ ബംഗാൾ എന്നി ആറ് സംസ്ഥാനങ്ങളിലായി 57 ലോക്സഭ സീറ്റുകളാണുള്ളത്. ഇതു കൂടാതെ ഡൽഹിയിലുമാണ് ഈ ഘട്ടത്തിൽ വോട്ടെടുപ്പ് നടക്കുന്നത്. ജൂൺ ഒന്നിലെ ഏഴാം ഘട്ടം മാത്രമാണ് ഇനി അവശേഷിക്കുന്നത്.
ആറാം ഘട്ടത്തിലേക്കുള്ള നാമനിർദ്ദേശ പത്രിക സമർപ്പിക്കാനുള്ള അവസാന തീയതി മെയ് 6 ആണ്. നാമനിർദ്ദേശ പത്രികകളുടെ സൂക്ഷ്മപരിശോധന മെയ് 7ന് നടക്കും. പത്രിക പിൻവലിക്കാനുള്ള അവസാന തീയതി മെയ് 9 ആണെന്നും വിജ്ഞാപനം ചെയ്തു.
ലോക്സഭാ തെരഞ്ഞെടുപ്പ് 2024
ഒന്നാം ഘട്ടം – ഏപ്രിൽ 19
രണ്ടാം ഘട്ടം – ഏപ്രിൽ 26
മൂന്നാം ഘട്ടം – മെയ് 7
നാലാം ഘട്ടം – മെയ് 13
അഞ്ചാം ഘട്ടം – മെയ് 20
ആറാം ഘട്ടം – മെയ് 25
ഏഴാം ഘട്ടം – ജൂൺ 1
വോട്ടെണ്ണൽ – ജൂൺ 4
