ന്യൂഡല്‍ഹി : രാജ്യത്ത് 50,407 പേര്‍ക്കുകൂടി കോവിഡ് സ്ഥിരീകരിച്ചു. ഇന്നലത്തേക്കാള്‍ 13 ശതമാനം കുറവാണിത്. വെള്ളിയാഴ്ച 58,077 പേര്‍ക്കാണ് കോവിഡ് സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 14,50,532 സാംപിളുകള്‍ പരിശോധിച്ചു. പ്രതിദിന പോസിറ്റിവിറ്റി നിരക്ക് 3.48 ശതമാനം. പ്രതിവാര പോസിറ്റിവിറ്റി നിരക്ക് 5.07%. നിലവില്‍ 6,10,443 പേരാണ് കോവിഡ് ബാധിച്ച് ചികിത്സയിലുള്ളത്. കഴിഞ്ഞ 24 മണിക്കൂറിനിടെ 1,36,962 പേര്‍ രോഗമുക്തരായി. രോഗമുക്തി നിരക്ക് 97.37%. ഇതുവരെ 172.29 കോടി ഡോസ് കോവിഡ് വാക്‌സീന്‍ വിതരണം ചെയ്തതായും കേന്ദ്ര ആരോഗ്യമന്ത്രാലയം വ്യക്തമാക്കി.
