കോഴിക്കോട്: താമരശ്ശേരി ചുരത്തിന് സമീപം ചിപ്പിലിത്തോട്ടിൽ അജ്ഞാത മൃതദേഹം കണ്ടെത്തി. തുഷാരഗിരി റോഡിലെ റബ്ബർ തോട്ടത്തിലാണ് മൃതദേഹം കണ്ടെത്തിയത്. പുരുഷന്റെ മൃതദേഹമാണ് കണ്ടെത്തിയത്. മൃതദേഹം അഴുകിയ നിലയിലായിരുന്നു. ഇന്ന് രാവിലെ നാട്ടുകാരാണ് മൃതദേഹം കണ്ടെത്തിയത്. തുടർന്ന് താമരശ്ശേരി പൊലീസിൽ അറിയിക്കുകയായിരുന്നു. പൊലീസ് പരിശോധന നടത്തി വരികയാണ്. മൃതദേഹത്തിന് ഒരാഴ്ചയോളം പഴക്കമുണ്ടെന്നാണ് സൂചന.
