തൃശൂർ: ലൈംഗികാതിക്രമ പരാതിയിൽ പൊലീസ് അക്കാദമി ഓഫീസർക്കെതിരെ കേസ്. തൃശൂർ പൊലീസ് അക്കാദമി ഓഫീസർ കമാണ്ടന്റ് പ്രേമൻ കടന്നപ്പള്ളിക്കെതിരെയാണ് വീയൂർ പൊലീസ് കേസെടുത്തത്.
അക്കാദമിയിലെ തന്നെ വനിത ഉദ്യോഗസ്ഥയുടെ പരാതിയിലാണ് നടപടി. സ്ത്രീത്വത്തെ അപമാനിക്കൽ, ലൈംഗികാതിക്രമം എന്നീ വകുപ്പുകൾ ചുമത്തിയാണ് കേസ് രജിസ്റ്റർ ചെയ്തത്.
അതിനിടെ, ഉദ്യോഗസ്ഥയുടെ പരാതിയിൽ നടന്ന ആഭ്യന്തര അന്വേഷണത്തിന് പിന്നാലെ പ്രേമനെ സർവീസിൽ നിന്ന് സസ്പെൻഡ് ചെയ്തു. കൂടാതെ, ഡിവൈ.എസ്.പിയുടെ നേതൃത്വത്തിൽ തുടരന്വേഷണത്തിനും ഉത്തരവിട്ടുണ്ട്.
