ആലപ്പുഴ: ഒബിസി മോർച്ച സംസ്ഥാന സെക്രട്ടറി അഡ്വ. രഞ്‌ജിത് ശ്രീനിവാസന്റെ കൊലപാതകവുമായി ബന്ധപ്പെട്ട് രണ്ട്‌ എസ്ഡിപിഐക്കാർ കൂടി അറസ്‌റ്റിൽ. കൊലപാതകത്തിൽ നേരിട്ട് പങ്കെടുത്തവർക്ക് സഞ്ചരിക്കാൻ വാഹനം നൽകിയ എസ്‌ഡിപിഐ കൈചൂണ്ടി ബ്രാഞ്ച് ജോയിന്റ്‌ സെക്രട്ടറി ആലപ്പുഴ കാളാത്ത് വാർഡിൽ കൊച്ചുപറമ്പിൽ കെ സജീർ (35), ഗൂഢാലോചനയിലും മുന്നൊരുക്കത്തിലും പങ്കാളിയായ മണ്ണഞ്ചേരി പഞ്ചായത്ത് 16ാം വാർഡിൽ തോപ്പുവെളി വീട്ടിൽ എം അജി (40) എന്നിവരെയാണ് ആലപ്പുഴ ഡിവൈഎസ്‍പി എൻ ആർ ജയരാജിന്റെ നേതൃത്വത്തിലുള്ള പ്രത്യേക അന്വേഷക സംഘം അറസ്‌റ്റ്‌ ചെയ്തത്.
