അബുദാബി: താമസക്കാരെ കബളിപ്പിക്കുകയും പണം കവരുകയും ചെയ്ത ഏഷ്യന്‍ സംഘത്തെ മണിക്കൂറുകള്‍ക്കുള്ളില്‍ പിടികൂടി അബുദാബി പോലീസ്. 460,000 ദിര്‍ഹം കവര്‍ന്ന ഇവരെ 24 മണിക്കൂറിനുള്ളിലാണ് എക്‌സ്റ്റേണല്‍ ഏരിയ പോലീസ് ഡയറക്ടറേറ്റിലെ ക്രിമിനല്‍ സെക്യൂരിറ്റി സെക്ടര്‍ അധികൃതര്‍ പിടികൂടിയതെന്ന് പോലീസ് അറിയിച്ചു.
ഇരകളെ വഞ്ചിച്ചാണ് സംഘം പണം കൈക്കലാക്കിയത്. മുസഫ പൊലീസ് സ്റ്റേഷനിലെ ഉദ്യോഗസ്ഥര്‍, അല്‍ മിര്‍സാദ് ഡിപ്പാര്‍ട്ട്‌മെന്റ് ഓഫ് ദി സ്‌പെഷ്യല്‍ പട്രോള്‍സ് വിഭാഗത്തിന്റെ പിന്തുണയോടെ നിര്‍മ്മിതബുദ്ധി രീതികള്‍ ഉപയോഗിച്ചാണ് പ്രതികളെ കണ്ടെത്തിയതും മോഷ്ടിച്ച പണം പിടിച്ചെടുത്തതും.
