തൃപ്രയാർ: ബാറിൽനിന്ന് മദ്യപിച്ചിറങ്ങിയ യുവാവിനെ ആക്രമിച്ച് കൊലപ്പെടുത്താൻ ശ്രമിച്ച കേസിലെ പ്രതി പിടിയിൽ. പെരിഞ്ഞനം അമ്പാട്ട് വീട്ടിൽ ഗിരീഷിനെയാണ് (കല്ലാടൻ ഗിരീഷ് -44) വലപ്പാട് പോലീസ് അറസ്റ്റ് ചെയ്തത്.
വെള്ളിയാഴ്ച വൈകീട്ട് നാലരയോടെ തൃപ്രയാറിലെ ഡ്രീം ലാൻഡ് ബാറിനു പുറത്തുവെച്ചാണ് നാട്ടിക പുല്ല് വീട്ടിൽ മണികണ്ഠൻ (47) ആക്രമിക്കെപ്പട്ടത്. വാരിയെല്ലുകളൊടിഞ്ഞ് ഗുരുതര പരിക്കോടെ കൂർക്കഞ്ചേരിയിലെ സ്വകാര്യ ആശുപത്രിയിൽ ചികിത്സയിലാണ് മണികണ്ഠൻ. കയ്പമംഗലം സ്റ്റേഷനിലെ ഗുണ്ടാ ലിസ്റ്റിൽ പെട്ടയാളാണ് പ്രതി ഗിരീഷ്.
