ന്യൂഡല്ഹി : കോണ്ഗ്രസില് ഇടഞ്ഞുനില്ക്കുന്ന ജി23 നേതാക്കളെ അനുനയിപ്പിക്കാന് രാഹുല് ഗാന്ധി. ജി 23 നേതാക്കള് ഉള്പ്പെടെ മുതിര്ന്ന 10 നേതാക്കളുമായി രാഹുൽ കൂടിക്കാഴ്ച നടത്തും. നാളെയോ മറ്റന്നാളോ കൂടിക്കാഴ്ച നടന്നേക്കുമെന്നാണു സൂചന. കോൺഗ്രസ് അധ്യക്ഷ സോണിയാ ഗാന്ധി നേതാക്കളെ അനുനയിപ്പിക്കാനുള്ള ശ്രമങ്ങൾ ആരംഭിച്ചിരുന്നു. അതിന്റെ തുടർച്ചയായാണ് ഇപ്പോൾ രാഹുലും നേതാക്കളുമായി ചർച്ച നടത്തുന്നത്.
