കൊച്ചി: തൃക്കാക്കര ഉപതെരഞ്ഞെടുപ്പുമായി ബന്ധപ്പെട്ട് എൻഡിഎയുടെ ഒരുക്കങ്ങൾ പൂർത്തിയായെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. മറ്റു സ്ഥാനാർത്ഥികൾ ആരെന്നു നോക്കിയല്ല ബിജെപി സ്ഥാനാർത്ഥിയാവുക. കേരളത്തിൽ ഇരട്ട നീതിയാണ് നടപ്പാക്കുന്നത് ബിജെപിയുടെ മുഖ്യ പ്രചാരണ വിഷയമെന്നും ഇത്തവണ ക്രിസ്ത്യൻ വിഭാഗത്തിന്റെ ശക്തമായ പിന്തുണ പ്രതീക്ഷിക്കുന്നുവെന്നും അദ്ദേഹം പറഞ്ഞു. അതേസമയം ന്യൂനപക്ഷ വിഭാഗത്തിൽ നിന്നാകുമോ സ്ഥാനാർത്ഥിയെന്ന ചോദ്യത്തിന് അദ്ദേഹം കൃത്യം മറുപടി നൽകിയില്ല.
