തിരുവനന്തപുരം: തൃക്കാക്കരയിലെ യുഡിഎഫ് സ്ഥാനാർഥിയെ ഇന്ന് പ്രഖ്യാപിക്കുമെന്ന് കെപിസിസി അധ്യക്ഷൻ കെ.സുധാകരന്‍. കെപിസിസി തീരുമാനിച്ച പേര് ഹൈക്കമാൻഡിനെ അറിയിച്ചു. ഇന്ന് വൈകിട്ട് 6നുള്ളിൽ സ്ഥാനാർഥിയുടെ പേര് പ്രഖ്യാപിക്കും. പരിഗണിച്ചതും തീരുമാനിച്ചതും ഒരു പേര് മാത്രമെന്നും സുധാകരൻ പറഞ്ഞു.
അതേസമയം, സ്ഥാനാർഥി നിർണയത്തിൽ പി.ടി.തോമസിന് മണ്ഡലവുമായുള്ള വൈകാരിക ബന്ധം പരിഗണിച്ചുവെന്ന് പ്രതിപക്ഷ നേതാവ് വി.ഡി.സതീശൻ പറഞ്ഞു. പി.ടി.തോമസിന്റെ ഭാര്യ ഉമാ തോമസ് സ്ഥാനാർഥിയായേക്കുമെന്നാണ് വിവരം.
