ചെന്നൈ: തമിഴ്നാട് മുഖ്യമന്ത്രി എം.കെ.സ്റ്റാലിന് കോവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം ട്വിറ്ററിലൂടെ പുറത്തുവിട്ടത്. നിലവിൽ ഐസലേഷനിലാണെന്നും സ്റ്റാലിൻ അറിയിച്ചു.‘‘ഇന്ന് ഞാൻ അൽപം ക്ഷീണിതനായിരുന്നു. പരിശോധനയിൽ കോവിഡ് സ്ഥിരീകരിച്ചതോടെ ഐസലേഷനിലേക്കു മാറി. നമുക്ക് മാസ്ക് ധരിക്കാം, വാക്സീൻ സ്വീകരിക്കാം, സുരക്ഷിതരായിരിക്കാം’ – സ്റ്റാലിൻ ട്വീറ്റ് ചെയ്തു.
